لما كنا بنحضر لحملة توعية سرطان الثدي، تبين لنا أنه أهم سبب بمنع السيدات انهم يفحصوا هو الخوف، بالرغم من أنه سرطان الثدي هو المسبب الأول للوفيات السرطانية بين نساء الأردن. كثير منا بنخاف نعيش مع عبء المعلومة، وخاصة إذا كانت بتخصنا أو بتخص بناتنا. وكتير منا بخاف من الأجهزة اللي بتستخدم للفحص، وكتيرمنا يا دوب ملاقي اللقمة، لحتى نقعد نقلق بسعر الفحص... غير انه مجرد التفكير باجراءات الفحص والعلاج بتخلي الدم يغلي... فبنقول لحالنا، خلص لما يجي السرطان بنتعامل معه... المشكلة إنه العلم أكد إنه إذا تم اكتشاف السرطان بكير، بكون في فرصة للسيطرة عليه والشفاء منه، بحيث تصل نسبة الشفاء الى 90%، اما اذا اتأخرنا، بتزيد احتمالية انتشاره لأعضاء تانية، وبصير علاجه أصعب، وبتقل نسبة الشفاء منه الى 24٪ . وقتها كل مخاوفنا بتحقق بأسوأ اشكالها. وبالرغم من وجود معدلات أعلى من سرطان الثدي في الدول المتطورة، إلا أن 70% من الوفيات تكون في البلدان النامية، بسبب غياب الوعي للكشف المبكر، وبسبب التكلفة العالية للعلاج في منطقتنا. للأسف في نقص المعلومات المتعلقة بالمرض، لهذا السبب يعتبر الكشف المبكر هو أحسن طريقة للسيطرة عليه. وطبعا هذا تعقيد لأنه ثقافتنا تعتبر أي شيء متعلق بجسم المرأة محرّم و"مسكوت عنه". غير عن وصمة العار اللي بتصاحب مرض السرطان. وهو ما يودي بحياة العديدات في العالم العربي، وهو بالطبع أمر محزن لأن عائلاتهن هم المتأثرين الأهم في هذه الدائرة. الخبر الكويس هو انه اليوم التكنولوجيا مكنتنا أنه نعرف عن احتمالية الإصابة بالمرص قبل ما ننصاب فيه، وهيك على القليلة بنعطي لحالنا فرصة الوقاية... وبصراحة الفحص بسيط، وما بخوف أبدا. بتنسحب عينة دم بأي وقت، وبتنحط على ورقة ترشيح. بعد هيك بتنبعث على المانيا، وهناك الخبراء بدرسوها وبعملوا تقرير مفصل. شهر أوكتوبر\تشرين الأول هو شهر مكرس للكشف المبكر والعلاج والوعي بشكل عام لمرض سرطان الثدي. وبهذه المناسبة، قامت مجموعة من المؤسسات الأردنية المعنية بدعم جهد رفع الوعي بين النساء، عن طريق إجراء حملة لتوفير فرصة فحص سري وسريع بخصم ٨٠٪ (٢٧٥ دينار أردني)، حتى نهاية شهر أوكتوبر إذا قدمت هذا الرقم BRCA promo-2018 . للمزيد من المعلومات زوروا: بيولاب بكل فروعه، ميدلاب بكل فروعه، المختبرات الطبية المتحدة- مقابل مستشفى الاردن، مختبرات الفا- شارع الخالدي، مختبرات الجين الطبية- خلدا، مختبرات جينولاب- شارع الخالدي، مختبرات فايتال لاب كل فروعه، مختبرات هستولاب- شارع الخالدي، مركز الحسين للسرطان، منارة الجينوم- شارع الخالدي. أو اتصلوا على الأرقام التالية: 0795571313 0796724405 بحالة السرطان كل فرصة بتقدري تعطيها لحالك مستاهلة. هلأ دورك، خبرينا.. انت، من شو خايفة؟ شاركينا رأيك.

PRIVACY POLICY

@ 2017 The Genome Outpost. All Rights Reserved